Топонимиканы үйрениў не ушын керек?

Топонимиканы үйрениў не ушын керек?

Қарақалпақ топонимикасы елимиздиң тарийхы, сорамының тәбийий шараяты ҳәм усы жерде жасаўшы халықлардың тил өзгешеликлери менен тығыз байланыслы. Топонимлер Қарақалпақстан Республикасының әййемги тарийхын, раўажланыў принципин, жасаў тәризин, атама бериў усылларын өзинде жәмлейди. Олар бабаларымыздың әсирлер даўамында жаратқан руўхый-ағартыўшылық мийраслары ҳәм қәдириятларының ажыралмас бөлеги болып есапланады.

Топонимлерди теориялық жақтан изертлеў, олардыӊ жасалыўындағы дәрек ҳәм усыллар, олардыӊ этимологиялық анализи мәселеси қарақалпақ тил билиминде арнаўлы изертлеў объекти болған жоқ. Елимиздеги топонимлерди жыйнаў, объектлердиң аталыў тийкарларын, мотивин анықлаў, топонимлерди этимологиялық анализлеў нәтийжесинде қарақалпақ халқыныӊ тарийхый өтмиши, этнографиясы, географиясы, мәденияты, тили ҳаққында ҳәм тағы басқа да мағлыўматларға ийе боламыз. Топланған материаллар қарақалпақ халқыныӊ миллий өзгешелигин ашып бериўге ҳәм миллий өзиншелигин аӊлаўға үлес қосады. Топонимлердиӊ этимологиялық анализин әмелге асырыў ушын оның изертлеў принциплери, дәрек ҳәм усылларын үйрениў, атамалардың қәлиплесиўине себеп болған сөздиӊ белгили бир топоним дәрежесине жетиўге шекемги топонимлесиў процесин анықлаў зәрүр. Топонимниң мәниси, этимологиялық анализлеў жолларын усыныў ҳәм усылардың тийкарында бир қанша топонимлердиң этимологиялық анализин әмелге асырыў процесинде сөзлердиң атама сыпатында объектлерге өтиў нызамлылықларын анықлаў ҳәзирги тил билими алдында турған зәрүрли теориялық ҳәм әмелий машқалалардан бири.


Есемуратов Абдимурат

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.